Vertical vs. Horizontal Scaling

المقدمة

تخيلوا معايا ان عندنا مخبز والمخبز ده بينتج انواع مختلفة من المخبوزات , في البداية المخبز ده محتاج فرن واحد لان الانتاجية بتاعته محدودة , ولكن مع الوقت ومع انتشاره ومعرفة الناس بيه هيبدأ الطلب عليه يزي، وبالتالي هنلاقي ان الفرن الواحد ده مش كفاية ، خصوصا لو باه فيه طلبات كتير.

فهنلجأ لاننا نطور من الفرن بتاعنا لفرن تاني أكبر وأفضل من حيث الامكانيات بحيث اقدر البي طلبات ناس اكتر وبشكل أسرع فكده انا حليت المشكلة وده بنسميه Vertical Scaling او الـ Scaling Up.

ولكن ماذا لو فضلت الطلبات في تزايد مستمر والناس بدأوا يكتروا عن الاول ؟

وقتها هنوصل لمرحلة مش هنعرف نطور عن الفرن اللي موجود لان دي اقصى امكانياته, فهيكون الحل اننا نجيب أكتر من فرن تاني حتى لو مش بنفس الامكانيات ولكن وجود اكتر من فرن هيساعدنا اننا نزود من انتاجيتنا ونلبي طلبات الناس وده اللي بنسمه Horizontal Scaling أو الـ Scaling Out.

وهي دي ببساطة فكرة الـ Scaling او الـ Scalability في الـ Software.

ايه هو الـ Vertical Scaling

الـ Scalability احد اهم المفاهيم الاساسية في وقتنا الحالي , واللي مينفعش ما نكونش ملمين بيها .. واللي من خلاها بنفهم ازاي ندير تطور ونمور الـ Software بتاعنا.

الـ Scalability بتنقسم لجزئين اول جزء هو الـ Vertical Scaling او الـ Scaling Up وده زي ما وضحنا في مثال المخبز، اني بحاول أطور من امكانيات الجهاز اللي معايا، فلو انا عندي Web Server بيـ Handle 1,000 req/s والـ Application بتاعي كبر وبقيت محتاجه يـ Handle 2,000 req/s

هنلاحظ هنا ان الـ Workload او الحمل زاد عن المعتاد , فممكن ازود من الـ CPU بتاعته واطور منها بحيث تقدر تحقق المطلوب وممكن ازود برضو الـ RAM لو انا مهتم باني اعمل Caching لجزء كبير من البيانات عندي.

ولو انا عندي Database على سبيل المثال بتسمحلي اخزن لحد 512GB من البيانات والبيانات بتاعتي كبرت وبقيت محتاج اخزن البيانات بشكل فعال وبيحصل عمليات I/O كتيرة فممكن ازود من الـ SSDs عشان احسن من الـ I/O throughput

Horizontal Vs. Vertical Scaling: How Do They Compare? — Vertical Scaling

مصدر الصورة: CloudZero

تقدروا دلوقتي تشتركوا في النشرة الأسبوعية لاقرأ-تِك بشكل مجاني تمامًا عشان يجيلكوا كل جديد بشكل أسبوعي فيما يخص مواضيع متنوعة وبشروحات بسيطة وسهلة وبجودة عالية 🚀

النشرة هيكون ليها شكل جديد ومختلف عن شكلها القديم وهنحاول انها تكون مميزة ومختلفة وخليط بين المحتوى الأساسي اللي بينزل ومفاجآت تانية كتير 🎉