في هذه الصفحة
مقدمة
ال RegEx وهي اختصار ل Regular Expression هي نوع من أنواع اللغات ال Regular و اللغات ال Regular هي أي لغة ممكن أعبر عنها ب Finite State Machine بس ايه هي ال Finite State Machine اصلاً ؟
Finite State Machine
ال Finite State Machine ممكن نعرفها ببساطة ان عندي System مغلق و ممكن يكون في حالة State واحدة من حالات معرفة في أي وقت و ال System ده بيتحرك من حالة State للتانية عن طريق احداث معينة Events مثال علي ده مثلاً الاسانسير(المصعد) و الصورة اللي تحت تبين مثال مبسط للFinite State Machine بتاعت المصعد :
طبعاً ده مثال مبسط جداً بس الفكرة واحدة ان المصعد هيكون دايماً في حالة من الحالات ديه و مش هيخرج براهم عشان كده ال System بنسميه مغلق
ليه نستخدم RegEx؟
دلوقتي كلنا عارفين ان ممكن ندور في أي PDF عن كلمة معينة بس لو اللي بندور عليه حاجة أعقد من مجرد كلمة بعينها زي مثلاً بندور على كل الايميلات اللي في الPDF، أو كل الكلمات اللي تبدأ بحرف الB و تنتهي بحرف الB، أو البحث عن أي جملة معينة بين أقواس، الحاجات دي اللي ال RegEx بيعملها بكفاءة و اللي بنسميها Pattern Matching
اساسيات ال RegEx
زي مقولنا في المقدمة ال RegEx هي عبارة عن لغة وكل لغة ليها Syntax و في الفقرة ديه هنتعلم أساسيات ال Syntax بتاعت الRegEx، و الRegEx بيبقي شكلها عامل كده
ده RegEx هيعمل match علي اي لينك طبعاً في الأول ده يبان حاجة عشوائية و مش مفهومة بس مع انتهائك من قراءة المقالة ممكن ترجعله وان شاء الله تكون فاهمه كويس
