المقدمة
الـ Exception Handling من الأساسيات في تعلم أي لغة ، وده لانك وانت شغال أكيد هيقابلك سيناريوهات هتضطر تـ Throw فيها Exceptions ، واحيانًا هتلاقيهم في وشك وأنت مش عارف ليه ، فلازم تكون فاهمهم كويس وعارف تتعامل معاهم ازاي.
فورقة وقلم وتعالوا نتعرف على الـ Java Exceptions و إزاي بنعملها Handeling بطريقة سليمة.
الكود عبارة عن "سيناريو" بينفذه الكمبيوتر وفي أي سيناريو ممكن تحصل مشكلة أو حدث غير متوقع ودا بيكون استثناء للسيناريو اللي يعرفه.
في الحالة دي الكمبيوتر مش هيعرف يتصرف وهيعمل Program Crash وعشان نتفادى دا لازم نعلم الكمبيوتر إزاي يتعامل مع الاستثناءات دي.
ال Exceptions أو الاستثناءات دي في ال Java بتنقسم ل 3 أنواع:
- الـ Checked Exceptions
النوع دا من ال Exceptions بيتم فحصه والتأكد من عدم وجوده في ال Compile time وهنا ال Java Compiler بيديك تحذير من وجوده وبيقولك اعمله handle بدل ما يوقعلنا البرنامج. ومن أشهرها الـ IOException, SQLException
- الـ Unchecked Exceptions
ودي Exceptions أسوء من ال checked لسببين:
- مبنعرفش بوجودها غير في وقت تشغيل البرنامج فعلاً ولذلك بتكون كلها من نوع Runtime Exceptions
- ال Exceptions دي بتكون نتيجة لأخطاء برمجية, يعني المبرمج كان ممكن يتفادها ويحلها لو بستخدم Good Programming Practices بس دا محصلش والجافا مشهورة بال Null pointer exception الناتج من محاولة تنفيذ عملية علي Object غير موجود, واللي ببساطة بيتحل لو المبرمج عمل تأكيد على وجود ال object قبل ما ينفذ عليه أي عملية هتؤدي لهذا ال Exception.
ومن أشهرهم كذلك:
- الـ ArithmeticException
- الـ IllegalArgumentException
- الـ IndexOutOfBoundsExceptions
- الـ Errors
هنا ال Errors بتشير للأخطاء اللي بتحصل خارج نطاق البرنامج بتاعنا ولكنها بتؤدي في النهاية انه يحصله crash و من أشهرها ال Out of memory Exception و Stack overflow Exception
Exception Class Hierarchy
مننساش إن ال Java هي OOP Language ولذلك كل ال Exceptions بتورث من ال Throwable Interface ومن هنا بتيجي كلمة "رمي اكسبشن" ال Interface دي بتضمن إن كل Exception يبقي عنده Error Message و Stack Track
ال Throwable Interface بينفذها 2 classes وهما ال Exceptions ودا اللي بيعبر عن ال Checked and Unchecked classes و ال Error Class اللي اتكلمنا عنه.
وكل الـ Exceptions اللي بنستخدمها بتورث من واحد من الاتنين دول.
و طبعًا تقدروا تكتبوا Customized Exceptions بتحل مشاكل مخصصة في المشاريع بتاعتكم.
تقدروا دلوقتي تشتركوا في النشرة الأسبوعية لاقرأ-تِك بشكل مجاني تمامًا عشان يجيلكوا كل جديد بشكل أسبوعي فيما يخص مواضيع متنوعة وبشروحات بسيطة وسهلة وبجودة عالية 🚀
النشرة هيكون ليها شكل جديد ومختلف عن شكلها القديم وهنحاول انها تكون مميزة ومختلفة وخليط بين المحتوى الأساسي اللي بينزل ومفاجآت تانية كتير 🎉
Eqraatech - اقرأ-تِك
بفضل الله قمنا بإطلاق قناة اقرأ-تِك على التليجرام مجانًا للجميع 🚀
آملين بده اننا نفتح باب تاني لتحقيق رؤيتنا نحو إثراء المحتوى التقني باللغة العربية ، ومساعدة لكل متابعينا في انهم يوصلوا لجميع أخبار اقرأ-تِك من حيث المقالات ومحتوى ورقة وقلم والنشرة الأسبوعية وكل جديد بطريقة سريعة وسهلة
مستنينكوا تنورونا , وده رابط القناة 👇
