المقدمة

ال Microservices عبارة عن أسلوب حديث في بناء ال software applications، بيعتمد على تقسيم ال application لعدد من الخدمات الصغيرة والمستقلة. كل خدمة (service) بتشتغل بشكل منفصل، وبتتعامل وتتواصل مع باقي الخدمات باستخدام أساليب مختلفة. الفكرة الرئيسية إنها بتقدّم حلول مرنة وسهلة لتطوير التطبيقات الكبيرة.

What are Microservices

 ال microservices عبارة عن Architecture (طريقة تصميم) بيخلّي ال application مكوّن من خدمات صغيرة، وكل خدمة ليها وظيفة محددة وممكن يتم تطويرها أو تتغير لوحدها من غير ما تأثر على باقي ال services التانية.

أهم مميزاتها: 

• الاستقلالية: كل خدمة منفصلة في التطوير والنشر عن باقي الخدمات. 
• المرونة: لو حصل عطل او مشكلة في service معينة مش بيأثر ع الباقي ولا بيعطلهم. 
• الحرية التقنية: العزل ده يخليك تقدر تختار لغات البرمجة وأدوات مختلفة لكل service.

Why use Microservices Instead of Monolith

ال monolith application هي إن كل ال application بيكون كود واحد كبير. ده بيبقى سهل في الأول، لكن لما التطبيق يكبر، بيبقى صعب التوسع (Scalability) والتطوير والصيانة (Maintainability). هناظهرت ال Microservices كحل، وده ليه فوائد كتير، منها:

توسيع الخدمات بسهولة: تقدر تزود موارد لخدمة معينة لوحدها او تقلل لخدمة تانية وده علي حسب الخدمة نفسها، يعني مثلا خدمة الدفع في موقع زي أمازون بيستخدمها عدد اقل بكتير من خدمة عرض المنتجات مثلا في نفس اللحظة فالتالي الموارد هتختلف وده هيوفر ويسهل كتير. 

تطوير أسرع: ال teems بتشتغل على الخدمات بالتوازي ومافيش فريق معتمد علي التاني.

Challenges you May Face With Microservices 

رغم كل الفوائد دي، استخدام الميكروسيرفيسز بييجي مع تحديات زي:

التعقيد التقني: - التعامل مع أنظمة موزّعة ومنفصلة مش سهل وبيكون معقد، ولازم تهتم بحاجات زي Load Balancing وService Communication ودول ممكن نتكلم عنهم مرة تانية. 

إدارة البيانات: - كل خدمة بتبقى ليها قاعدة بيانات مستقلة، وده ممكن يسبب مشاكل في تناسق البيانات (Data consistency) لو مش معمول بشكل صحيح.

How Do We Apply Microservices Correctly

عشان نطبّق ال microservices بشكل صحيح محتاجين أول حاجة نقسم الخدمات بشكل سليم، لازم كل خدمة تكون ليها وظيفة محددة في البزنس، ونتجنب تداخل المهام بين الServices وبعضها.

بعد كدا محتاجين نفكر كويس في الأدوات التي نستخدمها وطريقة التواصل بين الخدمات وبعضها وده هيختلف علي أساس البزنس نفسه.

في الختام

في النهاية ال microservices هي الطريق الأفضل لبناء تطبيقات ضخمة وحديثة. لكنها مش مناسبة لكل المشاريع، ولازم تكون عارف تحدياتها كويس عشان تتغلب عليها. بالتخطيط الصح، ممكن تبني تطبيق قوي ومرن يقدر يواكب تطورات العصر.