المقدمة

أداة هذا الأسبوع محدش كلمكم عنها قبل كدا خااالص و هي n8n!😅

في الواقع كُنا شايفين إن الإنترنت كله تناول هذه الأداة الفترة اللي فاتت لكن بعد التجربة وإنها من أسهل Automation tools اللي شوفناها حتي الان فلازم نكلمكم عن المميزات والعيوب والبدائل فهيا بنا!

N8n هي أداة أتمتة مفتوحة المصدر بتقدملك Canvas ومكونات مختلفة تقدر بيهم تربط تطبيقات وخدمات مختلفة مع بعض وتكون Automated Workflows بدون كتابة كود كثير.

الاستخدامات 

تقدر تستخدمه لأتمتة معظم المهام اليومية علي حسب احتياجاتك مثل:

• معالجة البيانات (Data Processing) استرجاع البيانات من API > فلترتها > معالجتها > إرسالها إلى قاعدة بيانات لتخزينها. 
• متابعة الفواتير والمدفوعات عن طريق ربطه ب Stripe ولما توصلك فاتورة جديدة يقوم بتخزينها في Google sheet .
• تجميع الأخبار أو المقالات المفضلة تلقائيًا من أكثر من API وبربطه ب AI Model ممكن كمان يلخصها ويحفظهالك علي Notion أو Storage Drive أو حتي يبعتهالك علي تليجرام.
• إرسال تنبيهات أو إشعارات أو رسائل بناءًا على حدث معين و دا مفيد جدًا بالأخص مع ال Customer Management 

المميزات 

• مفتوح المصدر (Open Source) تقدر تستخدمه مجانًا و تستضيفه على جهازك الشخصي أو سيرفرك الخاص. وكمان بيقدموا خدمة تشغيله علي ال Cloud الخاص بيهم كخدمة مدفوعة.
• دعم عدد كبير من التطبيقات /الخدمات: يدعم أكثر من 200+ تكامل جاهز مع التطبيقات والخدمات (Gmail, Slack, Notion, etc.).
• دعم للتكامل مع العديد من ال LLMs , وبكدا تقدر تزود ال AI Models في الWorkflows الخاصة بك مثل Open AI, Gemini وغيرها 
•  واجهة رسومية بسيطة وبديهية تعتمد على سحب المكونات وربطها ببعضها ك Flow chart 
•  دعم الأكواد المخصصة فلو احتجت تعقيد أكثر، تقدر تضيف كود JavaScript داخل Workflow.

العيوب 

• يحتاج لمعرفة بسيطة بالتقنيات, لأنه مش "سحب وإفلات فقط" مثل Zapier، فبيحتاج فهم بسيط لـ APIs والمنطق. 
• عدد التطبيقات والخدمات اللي بيتيح التكامل معها أقل من Zapier ودا سهل التغلب عليه كمبرمج لأنك تقدر تستخدم ال APIs & Webhooks مباشرة.

البدائل 

Zapier

يعتبر الخيار الأقدم والأشهر والأسهل نوعًا ما واللي معظم ال Enterprises بتستخدمه إلي الآن كون n8n حديث نسبيًا, ولكن n8n مع كونه مفتوح المصدر بيقدملك فرصة استضافة البرنامج على سيرفراتك الخاصة علي عكس Zapier اللي مجبر بياناتك تكون عندهم. فبالتالي n8n هيكون مناسب أكثر للشركات اللي بتحتاج مُعامل خصوصية وتحكم أكبر في بياناتها وكذلك مرونة أكثر في كتابة الأكواد المخصصة عن Zapier.

Open AI Agent-Kit 

في بداية أكتوبر 2025 (من أسبوعين بالتحديد) Open AI عملت بديل ل n8n اسمه Agent kit, وفي الواقع لسه بدري علي تقييمه ولكنه بيوعد بمرونة أكبر من n8n ولكن بيجبرك تستخدم OpenAI Models فقط, بنشجعكم دايمًا على البدائل مفتوحة المصدر إلا إذا دعت الحاجة لهذا المنتج لأسباب كلنا نعلمها ^^ 

ملاحظات الاستخدام 

بصراحة هي أكثر أداة بديهية استخدمتها من فترة طويلة محتجتش اشوف أي Tutorial, فتحت ال Docs نزلتها ب Docker command فتحتها علي ال Browser  وعملت Workflow كامل شغال في نص ساعة (أغلبهم كنت بعمل الـ Api keys) وطبعًا مع Tutorials بسيطة حول الانترنت تقدروا تعرفوا تفاصيل أكثر تسهل عليكم. 

قولولنا لو جربتوا n8n عملتوا بيه ايه و اكتبولنا في التعليقات الأدوات اللي حابين نكتب عنها في أداة الأسبوع, دمتم بخير نشوفكم مع أداة جديدة 👋