من المفاهيم الاساسية والشهيرة في الـ Relational Databases هي الـ ACID فورقة وقلم وتعالوا نعرف هي إيه وليه مهم إن قاعدة البيانات تكون بتحققها.
و ال 4 قواعد دي هي الضمان إن ال Database دي والبيانات اللي فيها صحيحة وموثوق فيها و دا عامل أساسي في مجال البرمجيات ككل "صحة البيانات".
ال 4 قواعد هما:
- Atomicity
- Consistency
- Isolation (Safe Concurrent Transactions Execution)
- Durability(Committed Transactions Must Be Durable)
Atomicity
القاعدة دي بتقول ان ال Transaction الواحد واللي بيعني "عملية مفيدة كاملة من وجهة نظر النظام" يا اما يتنفذ كله يا ما يتنفذش خالص, فمثال على ال Transaction لو شغال علي برنامج لبنك هيكون عملية نقل الأموال من حساب للتاني العملية دي كلها مع بعض البرنامج هينفذها على 3 خطوات:
- اتاكد ان الحساب فيه 100 جنيه
- خصم 100 جنيه من الحساب
- احط 100 جنيه في حساب الطرف الثاني
فهنا القاعدة بتقول ان لازم ننفذ كل الخطوات دي مع بعض كعملية واحدة، ولكن في حالة فشل أي خطوة في النص فلازم يحصل تراجع عن كل الخطوات اللي تم تنفيذها مسبقًا - بمعنى اصح Rollback - لأنها هتحط قاعدة البيانات في حالة غير مفهومة وغير صحيحة لو ما تراجعناش عن كل الخطوات اللي اتنفذت قبلها.
