QR Code Payments Explained

المقدمة

واحدة من أكثر طرق الدفع الرقمية شيوعًا هي الدفع باستخدام الـ QR Code, بنشوفه في المحلات والمطاعم وحتى المواقع الإلكترونية, خلينا نتعرف عليها كمستخدمين و كمبرمجين. فورقة وقلم وكوباية شاي ويلا بينا!

أنواع ال QR Codes

في الأول خلينا نعرف إن في نوعين من ال QR Codes

Static QR Codes

في هذا النوع الكود بالفعل بيحمل البيانات المطلوبة, والبيانات دي مبتتغيرش بعد ما بنكون الكود. فمهما كان الوقت المستخدم وقت ما يعمل Scan هيشوف نفس البيانات ودا مناسب مع عرض البيانات البسيطة زي كلمة مرور الواي فاي ولو حابين نغير البيانات هنعيد تكوين الكود كله من جديد.

عشان كدا بنستخدمه في المدفوعات وقت ما تكون كتاجر مش محدد القيمة اللي هتتدفع وهستخدم نفس الكود لأكثر من عميل , وقتها العميل بيعمل Scan للكود و بيحدد القيمة من تطبيق الدفع عنده ويأكد العميلة.

Dynamic QR Codes

النوع دا بيشتغل كأنه رابط على الإنترنت، وبيقدر يتغير أو يتحدّث حتى بعد ما الكود يتطبع. وبتقدر تعمل كود خاص لكل معاملة بقيمتها ودا بيسمح للتاجر يتابع التحويلات، يشوف امتى اتمسحت ومنين، ونوع الجهاز إللي استُخدم. ودي طبعًا كلها مميزات مهمة لينا في عمليات الدفع وعليه فدا الخيار الأنسب والأكثر استخدامًا في أغلب الأحوال.

كيفية استخدام ال QR Codes في عمليات الدفع

جزء التاجر

التاجر بيقوم بحساب المشتريات وبيقوم بعمل Checkout
عملية ال Checkout بتقوم بإرسال الطلب الى ال PSP
يقوم ال PSP بتخزين بيانات المعاملة في قاعدة البيانات و إنشاء رابط QR Code و يقوم بإرساله للتاجر
يقدر التاجر يعرض الـ QR Code على الـ POS Terminal أو على موقعه الإلكتروني

جزء العميل

لما العميل يمسح الـ QR الكود, تطبيق الدفع في الموبايل بيقرأ البيانات من الكود ( بيانات الطرف اللي هياخد الفلوس + المبلغ).
الزبون يضغط Confirm ويدفع، كله من غير ما يدخل رقم الحساب أو أي حاجة يدوية.
ال PSP يقوم بإتمام المعاملة المالية و يخزن في قاعدة بياناته إن الـ QR Code دا تم دفعه وبيبعت notification للتاجر بإتمام المعاملة.

بالطبع تفاصيل عملية الدفع من الداخل بتفضل كما هي زي إن المعاملة بتعدي علي البنك المٌصدر للبطاقة و ال Acquirer و شبكات البطاقات فال QR Code هو تعديل في ال User experience أكثر منه تغيير في طريقة معالجة المعاملة وكنا شارحين كل هذه التفاصيل في ورقة منفصلة

ليه الشركات بتحب تستخدم الـ QR في الدفع؟

سهولة وسرعة الاستخدام، العميل بيمسح الكود ويدفع في ثانية.
الأمان ،أخطاء أقل في إدخال بيانات بطاقة العميل وفرصة إنها تتسرب, هنا تطبيق الدفع بيتعامل مع الـ PSP والعميل بس بيعمل Scan ويضغط Confirm. كمان التاجر مش بيقدر أو يضطر يحتفظ ببيانات بطاقة العميل وده بيسهل عملية استقبال المدفوعات بالنسبة للتاجر.
رخيص للبزنس، مش محتاج أي أجهزة إضافية عشان تستخدمه تقدر بسهولة تدمجه في الموقع أو الشاشات أو ال Terminals في المحل عند الدفع.
مرونة كبيرة في الاستخدام. تقدر تحط الكود في أي مكان: ورق شاشة، Terminal،موقع… إلخ.

في الختام

سهولة وأمان استخدام ال QR Code في المعاملات المالية بيجعله خيار جذاب لكل ال Business و عشان كدا معظم ال Payment service providers أو ال Payment Gateway بل وحتي كثير من تطبيقات البنوك التقليدية بقت بتدعمه و بتسهل لرواد وأصحاب الأعمال يعملوله Integration في عمليات ال Checkout سواء في محالهم أو مواقعهم فبالتالي ك developer بتقدر تستخدمه في مشاريع التطوير ك Plug & Play مٌتوفر من قبل موردين خدمات الدفع.

لو حابين تعرفوا أكثر عن طريقة عمل ال QR Code فتقدروا تقرأوا الورقة دي