اتكلمنا قبل كده عن الـ Load Balancer وعرفنا قد ايه هو مهم في عالم الـ Distributed Systems والـ System Design، ودلوقتي جه الدور اللي نتكلم فيه عن الـ Algorithms اللي بيشتغل بيها والمتنوعة.
بتنقسم الـ Algorithms لنوعين أساسين وهم Static و Dynamic.
Load Balancer Static Algorithms
هنبدأ بالـ Static Algorithms :
الـ Round Robin :
وهو من أبسطهم وفيه الـ Requests اللي الـ Client بيبعتها ويستقبلها الـ LB بتتبعت لـ Service Instance مختلفة عن اللي قبلها بشكل Sequential. الـ LB بيكون عنده List بالـ Available Servers وبيبدأ يـ Route كل Request للـ Server المقابل .. فالـ Request No.1 يروح للـ Server No.1 وهكذا ..
الـ Sticky Round Robin :
وهو عبارة عن تحسين بسيط للـ Round Robin واللي فيه مثلا لو “محمود” بعت Request للـ Service Instance No.1 فالـ Requests الجاية هتتبعت برضو لنفس الـ Service Instance. وهنا بتكمن قوة الـ Sticky Round Robin وده مهم جدًا خصوصًا للـ Sessions فمفيش حد هيحب كل شوية يلاقي الـ Shopping Cart بتاعته فاضية عشان Service تانية غير اللي قبلها اللي استقبلت الـ Request
الـ Weighted Round-Robin :
وده برضو تحسين بسيط للـ Round Robin بس هنا بنحط Weight أو نسبة على كل Service واللي عليها نسبة أعلى أو Weight أكبر بيـ Handle Requests أكتر.
الـ Hash :
وهنا بنتطبق Hashing Function على الـ IP مثلًا أو الـ URL وبناءًا على نتيجة الـ Hash Function الـ Request بيوصل للـ Service Instance المطلوبة. في الطريقة دي مثلا كل الـ Requests اللي بتروح لنفس الـ URL هتتـ Handle من خلال نفس الـ Service Instance
Load Balancer Dynamic Algorithms
الـ Dynamic Algorithms :
الـ Least Connections :
وهنا الـ Request اللي الـ Client بيبعته بيتـ Handle من خلال الـ Service Instance اللي عندها أقل عدد من الـ Concurrent Connection.
الـ Least Response Time :
وهنا الـ Request اللي الـ Client بيبعته بيتـ Handle من خلال الـ Service Instance اللي عندها اسرع Response Time.
دول كانوا أشهر الـ Algorithms وأكترها شيوعًا وكل واحد منهم ليه الـ Trade-Offs الخاصة بيه واللي تحديده بيفرق من Application للتاني على حسب الـ use-cases واحتياجات التصميم.
