Introduction Into Entity Framework Core (EF Core)

المقدمة

 الـ EF Core هو إطار عمل مفتوح المصدر بيساعدك تدير الاتصال بين تطبيقات .NET Core وقواعد البيانات باستخدام تقنيات ORM (Object-Relational Mapping). يعني بدل ما تكتب استعلامات SQL يدوية، تقدر تتعامل مع البيانات كـ Objects في الكود.

الـ EF Core هو النسخة المحسنة من Entity Framework وبيتيح لك التعامل مع البيانات باستخدام Object Oriented Programming Languages زي C# بدلاً من التعامل مع جداول وقواعد البيانات عبر SQL مباشرة. والـ EF Core بيترجم استعلامات LINQ إلى استعلامات SQL بشكل تلقائي، وده بيسهل عليك التعامل مع البيانات بشكل مرن.

ليه نستخدم EF Core؟

1. السهولة والمرونة: EF Core بيخليك تتعامل مع البيانات كـ (Objects) بدل ما تتعامل مع جداول SQL بشكل يدوي، وده بيسهل الكتابة والفهم.
2. التحديثات التلقائية (Migrations): EF Core بيتيح لك تحديث قاعدة البيانات بسهولة عن طريق Migrations، بحيث لو عدلت في الكود، تقدر تحدث قاعدة البيانات تلقائيًا بدون ما تكتب استعلامات يدويًا.
3. دعم لعدة قواعد بيانات: EF Core بيشتغل مع قواعد بيانات مختلفة زي SQL Server، PostgreSQL، SQLite، MySQL، فده بيسهل دمج التطبيق مع أي قاعدة بيانات بدون مشاكل.
4. أداء أفضل: استخدام LINQ لاستعلام البيانات بدل SQL بيحسن الأداء، خصوصًا لو استخدمت حاجات زي AsNoTracking لتحسين قراءة البيانات بسرعة أكبر.

كيفية استخدام EF Core

إعداد الـ DbContext: الـ DbContext هو الرابط بين الكود البرمجي وقاعدة البيانات. في الكود ده بنحدد الجداول اللي هنشتغل معاها باستخدام الـ <DbSet<T.

public class AppDbContext : DbContext
{
    public DbSet<User> Users { get; set; }
    public DbSet<Product> Products { get; set; }
}

تقدروا دلوقتي تشتركوا في النشرة الأسبوعية لاقرأ-تِك بشكل مجاني تمامًا عشان يجيلكوا كل جديد بشكل أسبوعي فيما يخص مواضيع متنوعة وبشروحات بسيطة وسهلة وبجودة عالية 🚀

النشرة هيكون ليها شكل جديد ومختلف عن شكلها القديم وهنحاول انها تكون مميزة ومختلفة وخليط بين المحتوى الأساسي اللي بينزل ومفاجآت تانية كتير 🎉

Eqraatech Newsletter | Eqraatech - اقرأ-تِك | Substack

محتوى تقني متميز في مختلف مجالات هندسة البرمجيات باللغة العربية عن طريق تبسيط المفاهيم البرمجية المعقدة بشكل سلس وباستخدام صور توضيحية مذهلة. Click to read Eqraatech Newsletter, a Substack publication with hundreds of subscribers.

SubstackEqraatech - اقرأ-تِك

بفضل الله قمنا بإطلاق قناة اقرأ-تِك على التليجرام مجانًا للجميع 🚀

آملين بده اننا نفتح باب تاني لتحقيق رؤيتنا نحو إثراء المحتوى التقني باللغة العربية ، ومساعدة لكل متابعينا في انهم يوصلوا لجميع أخبار اقرأ-تِك من حيث المقالات ومحتوى ورقة وقلم والنشرة الأسبوعية وكل جديد بطريقة سريعة وسهلة

مستنينكوا تنورونا , وده رابط القناة 👇

https://t.me/eqraatechcom

الـ CRUD Operations

والـ CRUD هي اختصار لـ (إنشاء Create، قراءة Read، تحديث Update، حذف Delete): باستخدام LINQ تقدر بسهولة تعمل عمليات CRUD.

عمليات الـ Create

var user = new User { Name = "John Doe", Email = "john@example.com" };
context.Users.Add(user);
context.SaveChanges();

عمليات الـ Read

var user = context.Users.FirstOrDefault(u => u.Name == "John Doe");

عمليات الـ Update

user.Email = "newemail@example.com";
context.SaveChanges();

عمليات الـ Delete

context.Users.Remove(user);
context.SaveChanges();

الـ Migrations

بعد ما تعدل في Model (مثلاً تضيف أو تعدل الـ Objects)، تقدر تحدث قاعدة البيانات بسهولة باستخدام Migrations:

dotnet ef migrations add AddNewFields
dotnet ef database update

أفضل الممارسات والـ Best Practices

1. استخدم AsNoTracking لو هتقرأ البيانات فقط علشان تحسن الأداء:

var users = context.Users.AsNoTracking().ToList();

2. قسم الكود بشكل جيد: زي تقسيمه إلى Repositories أو Services علشان تسهل الصيانة والتوسع.
3. استخدم المعاملات Transactions: لو هتعمل عمليات متعددة في قاعدة البيانات تحتاج تزامن، استخدم المعاملات لضمان التنفيذ الصحيح:

using var transaction = context.Database.BeginTransaction();
try
{
    // تنفيذ العمليات
    context.SaveChanges();
    transaction.Commit();
}
catch
{
    transaction.Rollback();
}

4. دعم لعدة قواعد بيانات: EF Core بيشتغل مع SQL Server و SQLite و PostgreSQL و MySQL. علشان تحدد القاعدة اللي هتستخدمها، تقدر تضيف الكود ده في الإعدادات:

services.AddDbContext<AppDbContext>(options =>
    options.UseSqlServer("YourConnectionString"));

في الختام

الـ EF Core هو أداة قوية وسهلة للتعامل مع البيانات في تطبيقات الـ .NET Core. فهو بيساعدك تتعامل مع البيانات بمرونة وسهولة، وبيقدم لك مزايا زي Migrations لتحديث قاعدة البيانات، وتحسين الأداء باستخدام LINQ، مع دعم لعدة قواعد بيانات. فباختصار، EF Core هو الخيار المثالي لو عايز تعمل تطبيقات مرنة وسهلة مع إدارة البيانات.