في هذه الصفحة
المقدمة
كلنا عدينا بالموقف ده: بنشوف مشهد فى فيلم مليان تفاصيل والناس بتتحرك في كل مكان والإضاءة مش واضحة ولا أي حاجة ظاهرة صح! افتكرت بتحس بإيه وقتها؟ 🤯 مش قادر تركز ومتضايق صح؟ طيب تخيل ده يحصل لك وأنت بتقدم Visual Analytics بطريقة مش منظمة هسيبك انت تتخيل مديرك هيعمل أى 😅
الـ Visual Analytics أساسه إنك تفهم الناس، وتبسط البيانات، وتقدم المعلومة من غير "تشويش بصري". 🤓 العقل البشري عنده قدرات جبّارة في تحليل الصور والمعلومات، بس علشان نوصل للـ insights اللي بتفيدنا، لازم نهتم بتنسيق البيانات ونسهل عليهم الفهم، وده اللي بنسميه "التحليل البصري الفعّال".
دلوقتي تعالوا نتكلم عن الخطوات اللي هتخليك تعمل Visual Analytics محترف!
Cognitive Perception
افهم ال Cognitive Perception بتاع الناس:
الدماغ بتحب الحاجات البسيطة والواضحة. لو فضلت تدي للناس معلومات كتير وفي كل حتة، هيحصل عندهم "توهان بصري" أو ما يعرف بالـ Visual Overload. مهم إنك تركز على الأساسيات، وتخلي كل معلومة في مكانها الصح علشان أي حد يقدر يستوعبها، مهما كان المجال بتاعه. الناس بتفضل ومتعوده على المعلومات المرتبة، عشان كده لما تعرض بيانات معقدة أو حتى اماكنها مش مظبوطه، حاول تستخدم أسلوب Hierarchy، يعني أعرض الأهم ثم المهم.
Display Mechanism
اختار الـ Display Mechanism المناسب:
يعني إيه؟ يعني مش كل نوع من الرسوم البيانية (Charts) بينفع لكل موقف. على سبيل المثال:
- عايز تقارن أرقام المبيعات بين 2023 و2024؟ استخدم Bar Chart لأنها بتدي مقارنة واضحة.
- لو بتعرض توزيع نسب النجاح في المواد الدراسية؟ استخدم Pie Chart.
- محتاج توضح العلاقة بين متغيرين؟ جرب Scatter Plot.
المهم إنك تختار الـ visual اللي يعبر عن الفكرة ببساطة. 🥧 ولما تفكر في العرض، خليك فاكر إزاي هتستفيد من الألوان. الألوان بتمثل مشاعر مختلفة وكل لون بياثر فى العقل بإيحاء مختلف ، وده ممكن يؤثر على ردود أفعال الناس تجاه المعلومات، فحاول تختار الألوان اللى تتناسب مع الIndustry اللى انت مستهدفها وشغال فيها.
Dashboard
صمم الـ Dashboard وكأنه خريطة كنز 🗺️:
الـ Dashboard مش مجرد شوية بيانات مرمية جنب بعض. فكر فيه كأنه خريطة كنز، كل حاجة فيه لازم توديك للـ Key Insights من غير ما تلف أو تحتار. ودايماً لما تيجي تصممه، اسأل نفسك: "إيه الرسالة الرئيسية اللي عايز أوصلها؟" وبعد كده اعرضها بأبسط وأوضح شكل ممكن.
قسم البيانات اللي عندك لنقاط رئيسية، وبعد كده شوف كل نقطة وابدأ اسأل نفسك: "إيه المعلومات اللي ممكن أستخرجها من النقطة دي؟" وكرر العملية لحد ما تطلع بأفضل Dashboard.
Gut Feeling
حلل بعينك الأول 👀:
قبل ما تدخل بياناتك لأي خوارزمية أو model، بص عليها بعينك وحللها بنفسك. خد وقتك في النظر للأرقام والرسوم البيانية، وابدأ لاحظ الـ patterns أو حتى الـ outliers اللي ممكن تفوت على الخوارزميات.
خد بالك، في أوقات العين البشرية ممكن تلاحظ حاجات دقيقة ما تقدرش الخوارزميات تشوفها. زي إيه؟ زي اختلاف كبير في مبيعات يوم معين من الأسبوع عن باقي الأيام، أو نمط غريب بيظهر كل فترة. وده اللي بنسميه "الـ Gut Feeling" في التحليل. 👀
تقدروا دلوقتي تشتركوا في النشرة الأسبوعية لاقرأ-تِك بشكل مجاني تمامًا عشان يجيلكوا كل جديد بشكل أسبوعي فيما يخص مواضيع متنوعة وبشروحات بسيطة وسهلة وبجودة عالية 🚀
النشرة هيكون ليها شكل جديد ومختلف عن شكلها القديم وهنحاول انها تكون مميزة ومختلفة وخليط بين المحتوى الأساسي اللي بينزل ومفاجآت تانية كتير 🎉
Eqraatech - اقرأ-تِك
بفضل الله قمنا بإطلاق قناة اقرأ-تِك على التليجرام مجانًا للجميع 🚀
آملين بده اننا نفتح باب تاني لتحقيق رؤيتنا نحو إثراء المحتوى التقني باللغة العربية ، ومساعدة لكل متابعينا في انهم يوصلوا لجميع أخبار اقرأ-تِك من حيث المقالات ومحتوى ورقة وقلم والنشرة الأسبوعية وكل جديد بطريقة سريعة وسهلة
مستنينكوا تنورونا , وده رابط القناة 👇
Storyboard and Data Storytelling
استخدم الـ Storyboards في Data Storytelling:
العقل البشري بيتذكر القصص أكتر من الأرقام. فكر فيها كأنك بتحكي قصة باستخدام البيانات! بدل ما تدي المدير بتاعك تقارير مليانة جداول وأرقام، اعمل Storyboard يوضح الاتجاهات والأساسيات في خطوات واضحة.
مثلاً، لو بتتكلم عن أداء المبيعات خلال السنة، اعمل Timeline وسهم يوضح الاتجاهات، مع شوية Line Charts. الفكرة هي إنك تخلي البيانات سهلة للفهم وتخلي الشخص اللي بيشوفها يحس إنه ماشي معاها خطوة بخطوة. واستخدم لغة بسيطة وسلسة، وحاول تخلي المعلومات مترابطة عشان الناس تحس إنها بتتابع قصة.
Interactivity
بطبيعة الإنسان بيحب التفاعل. لما تصمم Dashboard، حاول تضيف عناصر تفاعلية، زي الFilters واللButtons. مثلاً، ممكن تخلي المستخدم يختار الفئة اللي عايز يشوفها، أو التاريخ اللي عايز يتصفحه. ده هيخليهم يحسوا إنهم جزء من التحليل، وهيكون ليهم دور في استخلاص المعلومات، مثلا لو أنا بعرض مبيعات سنه ف لما احط Filter بالشهور يبقى أنا اقدر أغير ف الDashboard واجيب مثلا فتره زمنية معينه خلال السنة وهكذا. 🎮
اختبر البيانات مع فريقك
مهم إنك تعرض تصميمك على مجموعة من الناس قبل ما تنشره. هم هيقولوا لك إذا كان واضح أو محتاج تعديلات. اختبر الـ Dashboard أو الـ Report مع فريقك أو مع شخص غير مُطلع على البيانات قبل كدا. اسألهم عن انطباعهم، هل فهموا كل حاجه بسهولة؟ هل المعلومات كانت مرتبة بشكل منطقي؟ تعليقاتهم هتكون قيمة جداً، ومتزعلش لما تلاقي الدنيا بايظه دا بيحصل كتير😅😅 المهم تبني عقلية الData Analyst ودي أهم من الأدوات اللى ممكن تستخدمها لأنك شبه متحكم فى مستقبل المؤسسة اللى شغال فيها. 🧑🤝🧑
عاود التقييم والتطوير
بعد ما تخلص المشروع، خد وقتك في تقييم أداء الـ Dashboard أو الـ Report. دايما بص لردود فعل المديرين وتفاعلهم. هل استخدموا كل العناصر المتاحة؟ هل كانوا قادرين يوصلوا للمعلومات اللي احتاجوها بسهولة؟ حاول تطور من تصميمك بناءً على التعليقات دي، ودايماً ابقى جاهز للتغيير والتحسين.
في الختام
المهم أنك تفهم الBusiness اللى انت شغال فيه بشكل أكتر من كويس كمان لأن دا المفتاح الأساسي اللى من خلاله هتعرف تحدد هدفك من البيانات دي واى اللى انا محتاج أطلعبه منها. الفكرة إنك تحوّل الزحمة لمعلومة وتبسط المعقد وتوصل كل حاجة للناس بشكل سلس. يا بخت اللي بسط واستبسط!
