المقدمة
من المعروف أن Git واحدة من أهم الأدوات اللي لازم كل مطور يكون على دراية بيها.
بنستخدم Git للتعامل مع النسخ المختلفة من المشروع، لكن بعض أوامر Git ممكن تكون طويلة ومعقدة شوية. هنا بيجي دور Git Aliases، اللي هي أسماء مستعارة بتكون من إنشائك علشان تخلي استخدام Git أسرع وأكثر كفاءة.
الهدف من الأسماء المستعارة (Aliases) هو إنها تكون اختصارات لأوامر Git الطويلة والمعقدة. بدلاً من كتابة الأوامر الكاملة في كل مرة، تقدر تنشئ اسم مستعار قصير وسهل تتذكره لتنفيذ نفس الأمر بسرعة.
فورقة وقلم وتعالوا نتكلم عن ازاي نقدر نستخدم Git Aliases في تسريع شغلنا 🚀
ازاي تنشئ اسم مستعار في Git؟
علشان تعمل كده، هتستخدم أمر git config بالشكل ده:
git config --global alias.<name> "<command>"استبدل <name> بالاسم المستعار اللي عايزه.
استبدل <command> بأمر Git الكامل اللي عايز تختصره.
أمثلة على الأسماء المستعارة في Git
اختصار git status:
git config --global alias.st "status"دلوقتي بدلاً من كتابة git status، ممكن تكتب git st.
اختصار git log --oneline --graph --decorate --all:
git config --global alias.lg "log --oneline --graph --decorate --all"
تقدروا دلوقتي تشتركوا في النشرة الأسبوعية لاقرأ-تِك بشكل مجاني تمامًا عشان يجيلكوا كل جديد بشكل أسبوعي فيما يخص مواضيع متنوعة وبشروحات بسيطة وسهلة وبجودة عالية 🚀
النشرة هيكون ليها شكل جديد ومختلف عن شكلها القديم وهنحاول انها تكون مميزة ومختلفة وخليط بين المحتوى الأساسي اللي بينزل ومفاجآت تانية كتير 🎉
Eqraatech - اقرأ-تِك
بفضل الله قمنا بإطلاق قناة اقرأ-تِك على التليجرام مجانًا للجميع 🚀
آملين بده اننا نفتح باب تاني لتحقيق رؤيتنا نحو إثراء المحتوى التقني باللغة العربية ، ومساعدة لكل متابعينا في انهم يوصلوا لجميع أخبار اقرأ-تِك من حيث المقالات ومحتوى ورقة وقلم والنشرة الأسبوعية وكل جديد بطريقة سريعة وسهلة
مستنينكوا تنورونا , وده رابط القناة 👇
دلوقتي ممكن تستخدم git lg للحصول على عرض سريع لتاريخ المشروع.
ازاي تعرض الأسماء المستعارة في Git
git config --global --get-regexp aliasلو عايز تحذف اسم مستعار هتستخدم الامر ده
git config --global --unset alias.<name>في الختام
ختاما استخدامك ل Git Aliases هيحسن كفاءتك ويوفر وقتك وانت بتتعامل مع اوامر GIt المتكرره , فابدا من دلوقتي واعمل اسماء مستعاره للاوامر اللي بتستخدمها بشكل متكرر , كل ما اتعودت علي استخدامها هتلاقي انتاجيتك زادت بشكل ملحوظ , وشاركنا تجربتك في التعليقات!
