في هذه الصفحة
المقدمة
هنتكلم انهاردة عن شوية Tips and Tricks تعملها و أخطاء تحاول تتجنبها عشان تطلع بأحسن صورة للـ CV اللي بيعبر عنك فا جهز الـ CV بتاعك كدا و يلا بينا.
مبدئيا دي مجرد نصايح من وجهة نظري الشخصية هنحاول بيها نعمل CV يكون بيعبر عنك، مفيد ويقدر يخلي اللي بيشوفه يطلع منه المعلومات اللي محتاجها بسهولة.
اعمل CV مخصص لكل وظيفة
الـ CV لازم يكون متماشي مع الوظيفة اللي انت بتقدم عليها، يعني لو انت مقدم على Software Engineer، مش منطقي تملى الـ CV بتاعك مشاريع و خبرات Machine Learning و Data Science، فحاول تعمل أكتر من نسخة و تكون كل واحدة موجهة لتراك معين يتماشى مع الوظيفة دي.
اهتم بالمشاريع اللي انت عملتها مع نفسك
لو انت حديث التخرج Fresh Graduate او بتقدم على Entry Level عموماً، فا دا مش معناه ان الـ CV بتاعك يبقا فاضي، مشاريع الكلية، أو اي مشاريع انت عملتها مع نفسك اتعملت عشان تحطها في الـ CV، فا لو انت مدخلتش Internships او مشتغلتش قبل كدا اهتم بالجزء دا و حط عدد كويس من المشاريع اللي انت شايفها حلوة.
سواء كنت اشتغلت قبل كدا او Fresh Graduate، و انت بتتكلم عن مشروع او حاجة اشتغلت فيها، بلاش تقتصد في عددهم أو تفاصيلهم، يعني متكتبش اسم البروجكت و خلاص، أنا معرفش أنت عملت إيه هنا و لا دا كان مشروع سهل و لا صعب ولا إيه التفاصيل بتاعته
تقدروا دلوقتي تشتركوا في النشرة الأسبوعية لاقرأ-تِك بشكل مجاني تمامًا عشان يجيلكوا كل جديد بشكل أسبوعي فيما يخص مواضيع متنوعة وبشروحات بسيطة وسهلة وبجودة عالية 🚀
النشرة هيكون ليها شكل جديد ومختلف عن شكلها القديم وهنحاول انها تكون مميزة ومختلفة وخليط بين المحتوى الأساسي اللي بينزل ومفاجآت تانية كتير 🎉
Eqraatech - اقرأ-تِك
أهم الأجزاء اللي تركز عليها في الـ CV
طبعا أهم جزئين في الـ CV كله هو الـ Work Experience إن وجدت، و الـ Projects. فا اهتم بيهم و اذكرهم زي ما قولنا في النقطة اللي فاتت.
أهمية الـ Problem Solving
لو انت طالب فا اهتم بالـ Problem Solving، مش عشان دا اللي هيعديك، بس هو أكيد إضافة كويسة ليك في الـ CV
متديش لنفسك Rating لأي Skill
متديش لنفسك Rating لأي Skill عندك، يعني متجيش تقول انا 7 / 10 في الـ C++ ، لأن بكل بساطة محدش يعرف مين اللي مقيمك ، مين ال 10 و مين ال 7، مفيش اي منطق أو أساس ورا الـ Rating دا، ويكفي بس إنك تحط الـ Skills بتاعتك.
ولو حابب تفرق بين اللي أنت قوي فيه واللي أنت يادوب عارفه استخدم Strong و Familiar
اهتم بنظافة وشكل الـ CV
اهتم بنضافة و شكل الـ CV، دا بيعبر عن إنك شخص على الأقل مهتم بجودة الحاجة اللي بتقدمها، مش بقولك ألوان و حركات، بس يكون الـ CV متقسم كويس و في Headlines لكل جزء و مفصولين عن بعض بشكل مريح للعين و شكل مفيد وفيه معلومات برضو، فبالتالي ميكونش فيه معلومة تضيع وسط عدم النظام دا.
اهتم بالتواريخ، الواحد بيبقا حابب يعرف انت متخرج بقالك اد ايه، قعدت في الوظيفة دي مثلا اد ايه وهكذا.
لو سمحت لو سمحت سمي الـ CV بتاعك باسمك عادي، مش لازم finalcv و my_cv و غيره، لاني بنضطر اقعد اعمل Rename الـ CV عشان اعرف احطه جمب اخواته في نفس الـ Folder ، ومش كل الناس هتعمل كدا، فا من فضلك سمي الـ CV بتاعك لانه فعلا مش هياخد منك وقت.
مش محتاج تحط صورة في تيكنيكال CV أعتقد، مش بقول ان اللي بيحطها غلط و مش هيعدي اكيد، بس ممكن توفر مكان الصورة دا و تحط معلومة تكينيكال زيادة تعرفني عنك اكتر.
في الختام
ال CV المظبوط بيساعدك جدًا تعدي المرحلة الأولي في أي Interviewing Process فأي وقت هتستثمره فيه هيعود عليك بفرص أحسن للقبول.
